അച്ഛനമ്മമാരോട് ഒരു ചെറിയ കാര്യം

   

 കുട്ടികൾ വളർന്നു നന്നായി വരുന്നതിൽ പുസ്തകങ്ങൾക് ഒരു വലിയ പങ്കുണ്ട് . അതുകൊണ്ട് കുട്ടിയായിരിക്കെ തന്നെ അവർക്ക് നല്ല നല്ല പുസ്തകങ്ങൾ വായിക്കുവാൻ കൊടുക്കുക.  നല്ല പുസ്തകങ്ങൾ എല്ലായ്പോഴും ഒരു വഴികാട്ടിയായിരിക്കും ജീവിതത്തിൽ എന്ന് നമ്മൾ ഓർക്കണം. 

ചെറുപ്പത്തിൽ നമ്മൾ തന്നെ കുട്ടികൾക്ക്  വേണ്ടത് തിരഞ്ഞു കണ്ടു പിടിച്ചു കൊടുക്കണം. അത്  പ്രത്യാകം ശ്രദ്ധിക്കണം .ഉദാഹരണത്തിന് പഞ്ചതന്ത്ര കഥകൾ, അക്ബർ - ബീർബൽ കഥകൾ, തെനാലി രാമൻ കഥകൾ അങ്ങനെ കുട്ടികൾക്ക്  ചിന്തിക്കാനും ,നല്ലത് പറയാനും ,ബുദ്ധി പരമായി ഉയരാനും പറ്റുന്ന നല്ല പുസ്തകങ്ങൾ വായിക്കുവാൻ കൊടുക്കുക. അങ്ങനെയായാൽ കുറച്ചു കാലം കഴിയുമ്പോൾ  സ്വയമേവ എന്തൊക്കെ ചെയ്യണം എന്തൊക്കെ ചെയ്യണ്ട എന്ന തിരിച്ചറിവുകൾ അവർക്ക് കിട്ടും ഉറപ്പ്.

ലക്‌ഷ്യം

മനുഷ്യന്മാരായാൽ എല്ലാവര്ക്കും ഒരു ലക്‌ഷ്യം വേണമെന്നു കേട്ടിട്ടുണ്ട്.അത് വളരെ ശരിയാണ്. ഒരു ലക്ഷ്യവുമില്ലാതെ ഒരു മനുഷ്യനായാൽ നമ്മൾ നൂലിൽ നിന്നും പോന്ന പട്ടം കണക്കെ അങ്ങനെ പാറി നടക്കും, എന്തിനു വേണ്ടിയെന്നറിയാതെ. 

വളരെ ചെറുപ്പത്തിൽ തന്നെ നമ്മുടെ മനസ്സില് ഉദിച്ചു വരേണ്ട ഒരു കാര്യമാണ് എന്തൊക്കെയാണ്  ഈ ജീവിതത്തിൽ ചെയ്തു തീർക്കാനുള്ളതെന്നു.  എല്ലായ്പൊളും ഒരു ഓർമ്മപ്പെടുത്തൽ കൂടി ആവശ്യമാണ് നമ്മുടെ ലക്ഷ്യത്തെക്കുറിച്ച്. 

നമ്മൾ ജനിച്ചു വളര്ന്ന സമൂഹത്തിനു വേണ്ടി , നമ്മളെ വളര്ത്തി വലുതാക്കിയ ആളുകൾക്ക്   വേണ്ടി , നമ്മളെ കണ്ടു വളരുന്ന തലമുറകള്ക് വേണ്ടി നമ്മൾ ആവുന്നത് മുഴുവൻ ചെയ്യുക. 
ഇതൊന്നും ചെയ്തില്ല എങ്കിൽ വയസ്സ് കാലത്ത് നമ്മൾ വിചാരിക്കും നമ്മൾ ഈ ജീവിതത്തിൽ ഒന്നും തന്നെ ചെയ്തിട്ടില്ലാ എന്ന്. 

വാക്ക് കൊണ്ടോ ,നോക്ക് കൊണ്ടോ , പ്രവർത്തി കൊണ്ടോ മറ്റുള്ളവരെ സഹായിക്കുവാൻ ശ്രമിക്കുക .മറ്റുള്ളവർക്ക് നന്മ വരണം എന്ന് മാത്രം ചിന്തിക്കുക .

" മനസ്സ് ഒരു കൂട്ടുകാരൻ "

ഒരുപാട് വിചാര വിക്ഷോപങ്ങളുടെ തിരമാലകൾ മനസ്സിൽ എപ്പോളും വേലിയേറ്റവും വേലിയിറക്കവും  സൃഷ്ട്ടിച്ചു കൊണ്ടിരിക്കും.. ജീവിത സമ്മർദങ്ങൾ ചിലപ്പോളൊക്കെ അങ്ങനെ മനസ്സിൽ അടിഞ്ഞുകൂടിക്കിടക്കും .... ചിലപ്പോൾ നമ്മൾ എന്ത് ചെയ്യണം എന്നറിയാതെ പകച്ചു പോവും.   

അതെ ...നമ്മുടെ മനസ്സിനെ കൂട്ടുകാരനായി കാണുക ...! ഒരു സുഹൃത്തിനെ നമ്മൾ എങ്ങനെ ഉപദേശിക്കുമോ, അതേ പോലെ ജീവിതത്തിൽ പ്രശ്നങ്ങൾ ഉണ്ടാവുമ്പോൾ നമ്മൾ നമ്മുടെ മനസ്സിനെ പറഞ്ഞു മനസ്സിലാക്കുക ... മനസ്സിനോട് ചോദിക്കു എന്താണ് വിഷമം എന്ന്.. മനസ്സ് ഉത്തരം തരും ....അതനുസരിച്ച് നല്ല ചിന്തകൾ മനസ്സിന് പകര്ന്നു നല്കുക  ..Positive Thoughts മനസ്സിൽ നിറയ്ക്കുക...

ഒരു ചെറിയ വലിയ കാര്യം

                                             

"മൂന്നാം ക്ലാസ്സിൽ വച്ച് അധ്യയന വർഷത്തിന്റെ  പകുതിക്കു വച്ച് ക്ലാസ്സിൽ ചേര്ന്ന കുട്ടിയോട് കൂട്ടുകൂടുവാൻ വേണ്ടി ചോദിച്ചപ്പോൾ അവൻ അന്ന്  നീട്ടിയ അഭ്യര്ത്ഥന കേട്ട് ഞാൻ ഞെട്ടിപ്പോയി... എന്റെ കണക്കു ബുക്കിന്റെ നല്ല ചന്ദമുള്ള ഒരു നടുക്കാം പേജ്  തന്നാൽ കൂട്ട് കൂടാം എന്നായിരുന്നു ... "

(നല്ല ചന്തമുള്ള പേജുകൾ മടക്കി ബുക്കിന്റെ ഇടയിൽ വക്കുക എന്നത് അന്നത്തെ ഒരു style  ആയിരുന്നു...ഇപ്പോൾ ആലോചിക്കുമ്പോൾ ഇതെല്ലാം നല്ല സുഗമുള്ള ഓർമകളായി  നിലകൊള്ളുന്നു)

ഒരു വേനൽമഴ

ഒരു വേനൽമഴ

"ചാരു കസേരയിൽ ചാഞ്ഞൊന്നിരിക്കവെ,
കിഴക്കൊന്നു നോക്കീ മേഘങ്ങൾ ശൃംഗാരം...

വിസ്ത്രിതമായാ മുറ്റത്തുനിന്നും ,
ചൂടുകുറഞ്ഞ നനുത്തൊരു വായുവും ...

ആഞ്ഞൊന്നു വീശീ കിഴക്കന്‍ കാറ്റ് ,
മേല്ലെത്തുടങ്ങീ മഴനൃത്തവും...!

നൃത്തത്തിനൊന്നു  താളം കൂട്ടുവാൻ
ആലിപ്പഴവും കൂട്ടായ് എത്തി ...

ആദ്യത്തെ തുള്ളികള്‍ മണ്ണില്‍ പതിച്ചു മണ്ണിൻ മണം നുകർന്നു,
മനസ്സില്‍ ഒരു ആത്മ സാക്ഷാത്കാരം ....

പേരക്കുട്ടികൾ മുറ്റത്തു ചാടി
ആലിപ്പഴം കുറെ കൈക്കലാക്കി...

അകായിൽ നിന്നും മുറ്റത്തു നോക്കി,
അമ്മതന്‍ മനതാരില്‍ സന്തോഷമായ് ...

മൂവാണ്ടാൻ മാവൊന്നു ചിരിവിടർത്തി,
രണ്ടു മൂവാണ്ടാൻ മാങ്ങകൾ താഴത്തുമായ്...

തെക്കേ മുറ്റത്തു പ്ലാവൊന്നു ശാന്തമായ്  ,
അനുസരണയ്ക്കൊരു വിളനിലമായ്...

ഇടിച്ചക്കകൾ മൂത്ത ചക്കകൾ എല്ലാം ,
വിഷുവും കാത്തങ്ങു നില്പാണവര്‍

തൊഴുത്തില്‍ നിന്നും മണികിലുക്കം,
പശുക്കിടാവിൻ തുള്ളിച്ചാട്ടം..

നന്ദ്യാര്‍ വട്ടവും മന്ദാരവും,
ഉണർവ്വൊന്നേകീ തലനിവർത്തീ...

പൂമരച്ചില്ലയില്‍ തെല്ലൊരു ചാഞ്ചാട്ടം,
വേഴാമ്പല്‍ തലയൊന്നുയർത്തി നോക്കി...

വിഷുക്കൊന്നമരം പൂത്തു കിലുക്കം കൂട്ടി,
വിഷുപ്പക്ഷിതന്‍ നാദവും കേൾക്കാറായി...

വടക്കേ മുറ്റത്തു വലിയ കൂട്ടം,
തുളസിച്ചെടികളും മന്ത്രം പൊഴിച്ചു,
ഉണർവൊന്നു കൂട്ടി അമ്പലം കാത്തു ,
നിൽപ്പു തുടർന്നു സുന്ദരമായ് ...

വേനല്‍ മഴതന്‍ ചാഞ്ചാട്ടം,
കുളിരൊന്നു കൂട്ടീ മനസ്സിനുള്ളില്‍..

ഇതു പ്രകൃതിക്കുവേണ്ടി പ്രകൃതി തന്ന,
അനുഗ്രഹമെന്നു കരുതുന്നു ഞാന്‍...!!!"
-------------------------------------------------------------------------------------------------------------------

ഒരു വേനല്‍ മഴയില്‍ തനിക്കു ചുറ്റുമുള്ള പ്രകൃതിയില്‍ നടക്കുന്ന കാര്യങ്ങൾ സന്തോഷത്തോടെ നോക്കിക്കാണുന്ന ഒരു മുത്തശ്ശന്‍

--------------------------------------------------------------------------------------------------------------------

naran.ani1@gmail.com

പുലരി

                              "ഹിമബിന്ദു ചാലിച്ച പാരിജാതം
                        പുലരിക്കു കാണാൻ വിടർന്നു നിന്നു..

                        ഇളം കാറ്റു തഴുകിക്കടന്നു പോയി
                        അർക്കനും മെല്ലെ തെളിഞ്ഞു വന്നു..

                        കർമങ്ങൾ തീർക്കാൻ ഉണർവു തന്ന,
                        ശക്തിയെ ഓർത്തു ദിനം തുടങ്ങാം

                        ലോകാ: സമസ്താ: സുഖിനോ ഭവന്തു..!!! "

എല്ലാവർക്കും നല്ലതു വരട്ടെ...!!

നമ്മുടെ പുഴ

"ഭാരതപ്പുഴതൻ തീരത്തിരിക്കെ മണൽ തരികളിൽ വിരലോടിച്ചതും ,

കിഴക്കൻ കാറ്റൊന്നു വെള്ളത്തിൽ തട്ടി തളിർ കാറ്റു പോൽ ദേഹത്തു പതിച്ചതും ,

പടിഞ്ഞാറൻ ചക്രവാളത്തിൽ നോക്കി സൂര്യനെ കണ്ടു കണ്ടു കാണാതെയാവുന്നതും,

സംഘർഷങ്ങൾ മുഴുവൻ മാഞ്ഞുപോയതും സന്തോഷം മനതാരിൽ
തെളിഞ്ഞു വന്നതും ,

എല്ലാം ഓർത്തു പോവുന്നീ  ജീവിതമാം ഒഴുക്കിൽപെട്ടു നടക്കുമ്പോഴും.......


ജീവിത യാഥാർത്ഥ്യങ്ങളെ കരയ്ക്കടുപ്പിച്ചു ഞാൻ മടങ്ങും നാട്ടിലേക്കൊരിക്കൽ കൂടി ,

അന്നും നിളേ , നീ അവിടെയുണ്ടാവണം സാന്ത്വനം നല്കുവാൻ
എൻ മനസ്സു തെളിയിക്കുവാൻ......  "

                                                                                                                                                          naran.ani1@gmail.com